همبرجر دايت

المقادير:

نص كيلو لحمة مفرومة

2 ثمرة بصل متوسطة مفرومة ناعم جدا

2 فص توم مفروم ناعم

شوية بقدونس

ملح

فلفل اسود

بهارات البورجر او بهارات عادية

2 ثمرة طماطم مقطعة شرايح

خس

شرايح جبنة شيدر لايت

بياض بيضة

عيش كيزر

الطريقة:

شوحى نص كمية البصل فى نقطة زيت صغيرة على النار

هاتى بولة كبيرة و اخلطى فيها اللحمة المفرومة مع كمية البصل التانية و البقدونس و الملح و الفلفل و البهارات و كمية البصل اللى اتشوحت

اعجنيهم مع بعض كويس

شكلى اقراص البرجر و يستحسن تدخليها الفريزر ساعة او اتنين عشان تتماسك

طلعيها بعد كده و جيبى طاسة و سيبيها تسخن اوى اوى

حطى بعدين فيها نقطة زيت و وزعيها كويس

حطى اقراص الهمبرجر 10 دقايق على كل جهة

بعد كده شيليهم و حطيهم  فى صينية مدهونة بنقطة زيت بمنديل و دخليهم الفرن لحد ما تستوى

و بعد كده طلعيهم و حطى على كل واحدة شريحة الجبنة الشيدر اللايت و دخليها الفرن تانى لحد ما تسيح عليها

جيبى عيش الكيزرو قسميه نصين

و حطى الخس تحت و شريحة طماطم و بعدين قطعة البرجر و غطيه بالنص التانى من العيش

و بالهنا و الشفا

ملحوظة:ممكن تعملى نفس الطريقة مع الفراخ بصدور الدجاج المفرومة

...المزيد

كبدة بالردة دايت

المقادير:

نص كيلو كبدة

2 فص ثوم مفروم

ملح

فلفل اسود

2 ليمونة

كمون

رشة شطة للى حابب

ردة

الطريقة:

قطعى الكبدة  شرايح زى الفراخ بانيه و هى متجمدة عشان يسهل تقطيعها

تبلى الكبدة ملح و فلفل و ليمون و كمون و رشة الشطة

حطيها فى الردة و غطيها من الناحيتين  و اكبسيها كويس

هاتى صينية و حطى فيها الومنيوم فويل و ادهنيها نقطة زيت بمنديل عشان مش يلزق فيها الاكل

حطى الكبدة فيها و دخليها الفرن فى درجة حرارة متوسطة و قلبيها بعد شوية على الوش التانى عشان يتحمر لحد ما تستوى

و بالهنا و الشفا

...المزيد

فراخ بانيه دايت

اكيد احنا كمان نفسنا فى البانيه بس محرومين منه عشان القى و الزيت طبعا دمار للدايت طيب ايه الحل؟

أنا هقولكم طريقة حلوة اوى

المقادير:

نص كيلو صدور فراخ مخلية

ملح

فلفل اسود

علبة زبادى لايت

2 ليمونة

ملعقة عسل ابيض صغيرة

2 بياض بيض

بقسماط مطحون يستحب اللى هو غامق يعنى دايت لو مفيش يبقى العادى

الطريقة:

تبلى صدور الفراخ بالملح و الفلفل و الليمون و الزبادى اللايت و ملعقة العسل الابيض

سيبيها فى التتبيلة حوالى ساعة

حطيهم فى بياض البيض

و بعد كده فى البقسماط المطحون و اكبسى عليها جامد

جيبى صينية وحطى فيها ورق الومنيوم و ادهنيها بزيت بمنديل كويس عشان الفراخ متلزقش

و حطى فيها الفراخ و دخليها الفرن فى درجة حرارة متوسطة و قلبيها على الوش التانى عشان يحمر برده لحد ما تستوى

و بالهنا و الشفا

...المزيد

بيتزا دايت

المقادير:

كوب و نصف دقيق أبيض

كوب و نصف دقيق اسمر

علبة زبادى لايت

3 ملاعق صغيرة زيت زيتون او زيت نباتى

1ملعقة صغيرة خميرة فورية

1 ملعقة كبيرة بيكنج بودر

رشة زعتر

رشة ملح

نص ملعقة صغيرة سكر

ماء دافئ للعجن

الطريقة:
تخلطى الدقيق الابيض بالدقيق الاسمر

دوبى الخميرة فى حبة مياة صغيرين و حطى عليهم السكر و دوبى و سيبيهم 5 دقايق

اعملى حفرة فى الدقيق و حطى عليها الخميرة المتدوبة فى المياة

حطى عليهم الزبادى اللايت و رشة الملح و الزعتر و قلبيهم كلهم مع بعض

ابدأى اعجنى لمدة ربع ساعة لحد ما تتكون معاكى عجينة متماسكة

غطى العجينة بفوطة مطبخ و سيبيها تتخمر فى مكان دافى لمدة ساعة الى ساعتين لحد ما العجينة ترتفع

افردى العجينة على سطح مرشوش بالدقيق

حطيها بعد كده فى الصينية تكون مرشوشة دقيق برده

حطى اى حشوة انتى عايزاها بس تكون دايت لان الوصفة دى دايت(سوسيس مسلوق او مشوى –تونة متصفية كويس من الزيت –ربع فرخة مسلوقة مثلا)

و حطى الطماطم و و الفلفل  و ملعقة صلصة صغيرة قبل ما تحطى الحشو ده

و تكونى مسخنة الفرن على درجة حرارة علية

و دخلى البيتزا فيه و خلى درجة الحرارة متوسطة عشان مش تتحرق من تحت

و لما تستوى طلعيها و حطى شرايح جبنة موزاريللا لايت و دخليها تحت الشواية لحد ما الجبنة تدوب فيها و تسيح

و بالهنا و الشفا

ملحوظة: انتى بتاخدى شريحتين بس عشان الدايت هى اه الوصفة دايت بس طبعا مش هتاكليها كلها عشان السعرات

...المزيد

كريب حادق دايت

المقادير:

كباية لبن خالى الدسم

كباية دقيق اسمر (انا بفضل ده عشان الدايت)بس ممكن تحطى دقيق ابيض

بيضة

ربع ملعقة ملح

شوية زيت صغيرين

الطريقة:

انخلى الدقيق فى طبق للعجن و ضيفى الملح

حطى البيضة و اللبن و قلبى

حطى شوية لبن كمان و قلبى لحد ما تبقى عجينة ناعمة

حطى الزيت و بقية اللبن و قلبى تانى لحد ما تبقى ناعمة

بعد كده سيبى العجينة فى الهوا تقريبا ساعة

جيبى بعد كده طاسة تيفال و ادهنيها شوية زيت بسيطة بمنديل كويس عشان الكريب مش تلزق

و بكبشة خدى حبة من العجينة و حطيها على الطاسة فى النص على شكل دايرة و حركى الصينية بطريقة دائرية عشان العجينة تفرش فى الطاسة كلها

بعد 30 ثانية تقريبا هيكون القعر احمر شوية اقلبيها بالراحة على الوش التانى

و بعد 30 ثانية كمان تكون الكريب استوت

حطيلها اى حشو انتى عايزاه بس يكون دايت لان دى وصفة دايت

و بالهنا و الشفا جربوها و ادعولىمتنسوش التقييم 

...المزيد

طريقة عمل فلافل (طعمية) لذيذة و دااااااااايت

المقادير:

2 كوب من الفول المقشر

1 كوب من الحمص

1 ثمرة بصل متوسطة الحجم

حزمة بقدونس

حزمة كزبرة خضراء

1 بصل اخضر او ابيض

ملعقة كبيرة بيكنج بودر

ملعقة صغيرة كمون

قليل من البهارات و قليل من الملح

الطريقة:

تنقى الفول و الحمص من الاوساخ و تنقعيهم فى مياة 12 ساعة

تصفيهم من المياة و تطحنيهم

قشرى البصل و اغسلى و قطعى الكزبرة و البقدونس

اخلطى جميع المقادير فى مفرمة اللحم مرتين لحد ما يبقى خليط ناعم

ضيفى الملح و الكمون و البهارات و لو حابة رشة شطة اوك

اعجنيها بايدك لحد ما تبقى عجينة متماسكة

ضيفى البيكنج بودر

خمريها لمدة نصف ساعة

جيبى قولت الكب كيك و ادهنىيها بنقطة زيت و حطى العجينة و دخليها الفرن تستوى

و بالهناو الشفا يا رب تعجبكوا و متنسونيش فى التقييم

...المزيد

فراخ بالفرن دايت

الطريقة:
تجيبى الفرخة كاملة تشيلى الجلد بالكامل و تسلقيها نصف سوا
تدعكيها بالملح كويس و الفلفل و البهارات و الليمون  من جوا و من برا
حطيها فى صينية مدهونة بنقطة زيت و غطيها بالالمونيوم و حطيها فى الفرن تكمل سواها
تقدم مع بطاطس محمرة دايت
و بالهنا و الشفا

...المزيد

اغذية تقى من السرطان باذن الله

1)القرنبيط
2)البروكلى
3)عش الغراب
4)عصير الصبار
5)الباذنجان
6)الاسماك الدهنية(التونة -السالمون)
7)التمر
8)عسل النحل
9)لشاى الاخضر
10)المكسرات النيئة
11)الخضروات الطازجة

...المزيد

نصائح مهمة اثناء اتباع اى ريجيم

1)شرب 2 لتر من الماء يوميا اى 8 اكواب تقريبا

2)ممارسة الرياضة

3)النوم بالليل

تنظيم مواعيد الاكل و بين كل وجبة و التانية 3 ساعات عشان الحرق يشتغل كويس

4)العشا يكون قبل النوم بساعتين

لو كل النصايح دى مشيتى عليها مع الريجيم و ملاحظتيش نتيجة لازم تعملى اربع تحاليل

1)غدة درقية

2)انسولين و ليس السكر العادى

3)هرمون اللبن

4)صورة دم كاملة

لو طلعوا تمام يبقى  تاخدى حاجات تعلى الحرق و يا ريت تكون طبيعية زى :

مشروب الزنجبيل بالقرفة

مغلى الكمون بالليمون(بتغلى مياة و تحطى فيها كمون و شرايح ليمون و تغطيها لحد ما تبرد شوية تبقى دافية يعنى و اشربيها تلات مرات فى اليوم قبل كل وجبة)

الليمون و الخل الاتنين دول بيقللوا امتصاص الدهون فى الجسم

البقدونس

و من ضمن الحاجات اللى تدى احساس بالشبع

الردة و الشوفان                                  

اتمنى اكون قلتلكم معلومات مفيدة

...المزيد

بطاطس محمرة دايت

طبعا كتير منا بيموت فى البطاطس المحمرة و اولكم أنا و كتير بيعمل دايت و بيبقى نفسه فى البطاطس المحمرة طيب ايه الحل؟؟؟؟؟؟؟؟ بصى على الطريقة دى

1)بتجيبى البطاطس و تقشريها و تسلقيها فى مياة و ملح نصف سلقة

2)بطلعى البطاطس و تقطعيها صوابع او اى شكل عايزاة و رشيها بحتة زيت صغيرة و حطيها فى الفرن تكمل سواها و تتحمر

و بالهنا و الشفا احلى بطاطس محمرة و صحية و دايت من غير دهون

...المزيد

شاورما فراخ دايت

المقادير:

1)نصف كيلو صدور فراخ

2)2 ثمرة بصل

3)2 فص ثوم مفروم

4)علبة زبادى لايت

5)ملعقة مستردة صغيرة

6)ملح و فلفل اسود و بهارات

7)فلفل الوان

الطريقة:

1)تقطعى الفراخ مكعبات و تتبليها بالملح و الفلفل و عصرة ليمون و البهارات و الزبادى اللايت و المستردة و سيبيها فى التتبيلة مش اقل من ساعتين

2)قطعى الفلفل الالوان شرايح و شوحيه فى طاسة تيفال مع نقطة زيت

3)جيبى طاسة تيفال و حطيها على النار لما تبقى سخنة مولعة حطى الفراخ اديها صدمة لحد ما تتقفل مسامها عشان مش تجيب ميتها

4)حطى الفراخ على الفلفل الالوان المتشوح

و اقعدى شويحها مع الفراخ لحد ما تستوى و لو حاسة انها هتنشف حطى حبة مياة صغيرة

و اغرفيها و قدميها مع مكرونة مسلوقة و بالهنا و الشفا

...المزيد

بيكاتا بالمشروم دايت

المقادير:

1)نصف كيلو لحمة تليبيانكو (دى مخصوصة عشان البيكاتا  عشان سميكة شوية بس لو مش موجودة تقدرى تستخدمى اللحمة البوفتيك العادية )

2)2 ثمرة بصل

3)2 فص ثوم مفروم

4)ملح و فلفل اسود

5)ملعقة صغيرة بهارات لحمة

6)250 جرام مشروم (يفضل الطازج لو مفيش يبقى المعلب)

الطريقة:

1)تتبلى الحمة بالملح و الفلفل و البصل المفروم و الثوم المفروم وعصرة ليمون و بهارات اللحمة

2)تجيبى طاسة تيفال و تحطى نقطة زيت وتشوحى اللحمة عشان تتقفل مسامها

3)بتنقلى اللحمة بعد ما اتشوحت و اتقفلت مسامها فى صينية تيفال عشان مش تلزق اللحمة فيها و تحطيها فى الفرن لحد ما تستوى و لما تحسى انها هتنشف حطى شوية مياة

4)تقطعى المشروم شرايح و تحطى عليه عصرة ليمون عشان ميسودش

5)تشوحى المشروم فى نفس الطاسة اللى شوحتى فيها اللحمة عشان تاخد من طعم اللحمة

6)تطلعى اللحمة من الفرن و تحطى عليه المشروم و تجمليه بالبقدونس

و بالهنا و الشفا

دى اكلة حلوة اوى و صحية عشان مش نحرم نفسنا من حاجة و فى نفس الوقت تكون صحية

...المزيد